Wissenschaft

De Bléck an de Weltraum huet dem Mënsch säin Weltbild verännert. E Bléck, deen mat enger Kéier Schluss mat der gottgegebener Hybris vun eiser Spezies gemeet huet an eis gewisen huet, dass mir selbstgefälleg Giganten ob engem Stëbskär sinn. Wéi faszinant schon alleng eis ganz no Ëmgéigend ass weist folgende Dokumentatioun vun der BBC iwwert d'Räich vun der Sonn. Et ass erstaunlech, dass eng einfach Erfindung ewéi d'Fernrohr eis an 400 Joer méi iwwert eis selwer bäibruecht huet, ewéi d'Chrëschtentum an 2000 Joer. Déi wierklech Helden, dat sinn Galileo Galilei, Maria Mitchell, Clyde Thombaugh, William Fowler, Karl Schwarzchild, Stephen W. Hawking, Carl Sagan, Edwin Hubble an nach vill aner Stärenkuckerten. Si hunn eis kloer gemeet ewéi winzeg mir sinn, mä awer och gläichzäiteg, wéi wäertvoll eisen bloen Planéit ass, dessen Bewunner an der Onendlechkeet vum Raum nach keen senges gläichen fonnt hunn. Virun dësem kosmeschen Hannergrond, erschéngen engem déi skurril reliéis Prozeduren, Traditiounen, Dogmen an Streidereien esou onbedeitend an lächerlech, dass een just folgendes soen kann: dat wierklecht Wonner, läit virun eisen Aen. Et brauch een just eraus ze goen an an d'Lut ze kucken.

Villäicht sollt een dorunner denken, ier een geschminkt, gepuddert an deieren Oweskleeder um rouden Teppech an den Te Deum schlendert. Déi wierklech Helden, déi schaffen ouni spektakulär Zeremonien, ouni deier Roben an gëllenen Kelcher an ouni dee ganzen Pomp. Si schaffen, am Hannergrond, ouni dass een un si denkt, ouni dass se no Opmierksamkeet jäizen, gebéckt virun hiren Teleskopen an Instrumenter. Si hunn dohinner gekuckt wouhin sech vill Leit net trauen ze kucken an hunn duerch dësen Bléck an d'Stären déi Lektioun geléiert, déi eiser reliéiser an politescher Elite oft fehlt. Dat sinn déi Leit, un déi ech denken, wann se dësen Mëttwoch all stolz an wichteg am Te Deum setzen.

Hallo, Hallo? Ass nach een do? Falls dir dat heiten liest, dann bedeit dat, dass den LHC haut bei sengem éischten high intensity Testversuch keen schwaarzt Lach produzéiert huet. Den Versuch, deen mat 7 Teraelectronvolt (Tev) Protonen bei bal Liichtgeschwindegkeet aneneen knallen léisst fir nei Teilchen (wéi z.B. Higgs-Teilchen) ze fannen an méi Informatiounen iwwert d'Konsistenz vun der Matière kuerz nom Urknall ze kréien, war 3,5 mol sou staark ewéi all Test virdrunner.

Den Jamie Oliver wier der Bom hiren Liebling. Hien ass nach en kulinareschen Kavaléier vum gudden alen Hausmannskascht, deen frësch Produiten, zum Deel aus dem eegenen Gaart, iwwert d'Fäerdegnahrung vun Haut stellt. Wat déi meescht Leit allerdéngs Fréier aus Nécessitéit gemeet hunn, ass Hautdesdaags zur Tugend ginn an esou kann engem den Jamie Oliver schonn e bëssi retro virkommen, wann hien d'Importanz vun enger verantwortungsvollen Ernährung well däitlech maachen.

Wéi eenzegaarteg ass de Mënsch? Wéi verschidden sinn mir vum Déier? Oder sinn mir souguer weider näischt ewéi gewéinlech Déieren? Den Volker Sommer hat virun e puer Deeg ob Invitatioun vun der Libco dozou eng interessant Virliesung gehalen. D'Fiona Lorenz vum HPD huet zum Inhalt vun där Virliesung en zimlech gudden Resumé geschriwwen. Ech hunn mer trotzdem geduecht dozou eng kritesch Rezeptioun ze schreiwen, déi dat Ganzt an eng bëssi méi differenzéiert Luucht stellt.